ماكنك العقلي للراحه.......أين

بإسم المولى

موضوعي جديد بعض الشي و اسمحولي سأتكلم بالعاميه

اتخيل عزيزي بو تقرا انه عندك مكان فعقلك تعتبره أجمل مكان وجوه دايما ما يتغير يعني تبنالك مكان تعتبره مثالي ........مكااااان (والله يسلم السامعين) تروحله يوم تكون متضايق ولا يوم تكون ورعان أو فزعان, يوم تكون مرتبك يعني أي حاله ما مريحه طبعا هضربلكم مثال على مكاني العقلي الذي عادة ما أزروه عدة مرات في الأسبوع

.

طبعا (هذي طبعا لازم يوم حد يسوي لقاء في تلفعيون أو رادو لازم يقولها أول شي) مكاني العقلي صارلي فتره أضيف فيه و أعدل لين خلاص تو ثبت يوم أزروه يكون نفس الجو و نفس الحاله ما يتغير شي

دايما أتخيل نفسي تحت شجره وارفة الظلال في وقت قبل الظهر فوووق تله هذي التله طبعا كلها عشب و تطل على قريه صغيره بين جبلين طبعا فوق قمم الجبلين ثلج وشي هناك نهر صغير يخترق هذي القريه ماشي بين الجبلين......بين فتره وفتره تمر كمين سحابه و بياها ظلها يمرو على التله و تسمع الصغار يوم يلعبو ولا راعي جالس يزعق على غنمه....هذيك الشجره بو فوق التله بو انا جالس تحتها بس شجره وحده و البافي عشب و عاد أخوكم يتسدح و يجلس يشوف القريه و يشوف السحاب و الأشكال بو يسويهن و عاد أنا أرتااااح.

عاد ذا المكان أروحه يوم أكون مثضايق ولا باغي احل شي ولا با أسوي خطه

عاد خذوها نصيحه من عماني فارس بو باغي يدور عالدنيا بحثا عن شيء مفقود في نفسه و سوولكم مكان عقلي

وسلامن من عمانا